ദുബായ് : സ്‌കൂള്‍ തുറക്കുന്നതിന് തലേന്ന് കോവിഡ് പരിശോധനാകേന്ദ്രങ്ങളിലെല്ലാം വലിയ തിരക്ക് അനുഭവപ്പെട്ടു. മണിക്കൂറുകളോളം കാത്തിരുന്നാണ് പലര്‍ക്കും പരിശോധന നടത്താനായത്. വിദ്യാര്‍ഥികള്‍ക്ക് സ്‌കൂളുകളിലേക്ക് മടങ്ങാന്‍ കോവിഡ് ഫലം നിര്‍ബന്ധമല്ലെങ്കിലും പലരും വിദേശയാത്രയ്ക്കുശേഷം മടങ്ങിയെത്തിയതിനാല്‍ പരിശോധനയ്ക്ക് വിധേയരായി. ഷാര്‍ജ സ്‌കൂളുകളില്‍ കോവിഡ് ഫലം നിര്‍ബന്ധമായതിനാല്‍ നൂറുകണക്കിന് വിദ്യാര്‍ഥികള്‍ക്ക് ആദ്യദിനം സ്‌കൂളുകളില്‍ എത്താനായില്ല. പല സ്‌കൂളുകളിലും 70 ശതമാനത്തിനടുത്ത് വിദ്യാര്‍ഥികളാണെത്തിയത്.
