തൊടുപുഴ ∙ ഇടുക്കി കട്ടപ്പനയിൽ സ്വകാര്യ ബസും ടാങ്കർ ലോറിയും കൂട്ടിയിടിച്ച് 35 യാത്രക്കാർക്ക് പരുക്കേറ്റു. വെള്ളിയാഴ്ച വൈകിട്ട് നാലരയോടെ വാഴവര ആശ്രമം പടിക്ക് സമീപമായിരുന്നു അപകടം.
കട്ടപ്പനയിൽനിന്ന് തൊടുപുഴയിലേക്ക് പോകുകയായിരുന്ന ബസും എതിർദിശയിൽനിന്നു വന്ന ലോറിയുമാണ് കൂട്ടിയിടിച്ചത്. പരുക്കേറ്റവരെ കട്ടപ്പനയിലെ ആശുപത്രിയിൽ പ്രവേശിപ്പിച്ചു. ആരുടെയും പരുക്ക് ഗുരുതരമല്ല.
