കൊച്ചി : വാർത്താസമ്മേളനത്തിൽനിന്ന് ചില മാധ്യമങ്ങളെ വിലക്കിയ ഗവർണറുടെ നടപടിക്കെതിരെ കൊച്ചിയിൽ മാധ്യമപ്രവർത്തകരുടെ ശക്തമായ പ്രതിഷേധം. കേരള പത്രപ്രവർത്തക യൂണിയൻ എറണാകുളം ജില്ലാ കമ്മിറ്റി നഗരത്തിൽ നടത്തിയ പ്രകടനത്തിലും യോഗത്തിലും നിരവധി മാധ്യമപ്രവർത്തകർ പങ്കെടുത്തു.
കൈരളി, മീഡിയ വൺ ചാനലുകളെ വാർത്താസമ്മേളനത്തിലേക്ക്‌ ക്ഷണിച്ചശേഷം ഇറക്കിവിട്ടതിൽ പ്രതിഷേധിച്ച്‌ പ്രസ്‌ക്ലബ്ബിനുമുന്നിൽനിന്നാണ്‌ പ്രകടനം ആരംഭിച്ചത്‌. പ്രതിഷേധയോഗം യൂണിയൻ ജില്ലാ സെക്രട്ടറി എം സൂഫി മുഹമ്മദ് ഉദ്ഘാടനം ചെയ്തു. ആർ ഗോപകുമാർ, ട്രഷറർ മനു ഷെല്ലി എന്നിവർ സംസാരിച്ചു.
