ശ്രീനഗർ : ജമ്മു കശ്മീരിലെ അനന്ത്നാഗിൽ ഏറ്റുമുട്ടലിൽ ഒരു ഭീകരൻ കൊല്ലപ്പെട്ടു. ലഷ്കർ ഇ തൊയ്ബ ഭീകരൻ സജ്ജാത് താന്ത്രേ ആണ് കൊല്ലപ്പെട്ടത്. അനന്ത്നാഗിലെ ബിജ്ബേഹാരയിലാണ് ഏറ്റുമുട്ടലുണ്ടായത്. നേരത്തെ അറസ്റ്റിലായ സജ്ജാത് താന്ത്രെ ഭീകരരുടെ ഒളിത്താവളം കണ്ടെത്താൻ സുരക്ഷാസേനയോടൊപ്പം എത്തിയതായിരുന്നു. സൈന്യവും പോലീസും ചേർന്ന് ഭീകരരെ നേരിടുകയാണ്.
അതേസമയം ഇന്നലെ ജമ്മു കശ്മീരിലെ രജൗരി ജില്ലയിലെ നിയന്ത്രണരേഖയിൽ നുഴഞ്ഞുകയറ്റശ്രമം സൈന്യം തകർത്തു. നൗഷേര സെക്ടറിലാണ് ഭീകരർ നുഴഞ്ഞുകയറാൻ ശ്രമിച്ചത്. സുരക്ഷാ സേന ഒരു ഭീകരനെ വധിച്ചു.
