കുവൈത്ത് സിറ്റി: കുവൈത്തില്‍ വന്‍ മദ്യശേഖരവുമായി പ്രവാസി യുവാവ് അറസ്റ്റിലായി. കുവൈത്ത് ആഭ്യന്തര മന്ത്രാലയത്തിന് കീഴിലുള്ള അഹ്‍മദി സെക്യൂരിറ്റി ഡയറക്ടറേറ്റാണ് ഇയാളെ പിടികൂടിയത്. 154 കുപ്പി മദ്യം ഇയാളുടെ കൈവശമുണ്ടായിരുന്നെന്ന് ആഭ്യന്തര മന്ത്രാലയം സോഷ്യല്‍ മീഡിയയിലൂടെ പുറത്തുവിട്ട അറിയിപ്പില്‍ പറയുന്നു. പിടിയിലായത് ഏഷ്യക്കാരനാണെന്ന് മാത്രമാണ് ഔദ്യോഗിക അറിയിപ്പുകളില്‍ പറയുന്നത്. ഇയാള്‍ ഏത് രാജ്യക്കാരനാണെന്ന് വ്യക്തമല്ല. തുടര്‍ നടപടികള്‍ക്കായി യുവാവിനെ ബന്ധപ്പെട്ട വകുപ്പുകള്‍ക്ക് കൈമാറിയെന്നും അധികൃതര്‍ അറിയിച്ചിട്ടുണ്ട്.
