താനെ: മഹാരാഷ്ട്രയിലെ താനെ ജില്ലയിലെ ഭിവണ്ടിയിൽ ശനിയാഴ്ച സ്കൂളിന്റെ കോമ്പൗണ്ട് ഭിത്തിയുടെ മാർബിൾ സ്ലാബ് വീണ് 4 വയസ്സുള്ള കുട്ടി മരിച്ചു. താവ്രെയിലെ സ്കൂളിന്റെ കോമ്പൗണ്ട് ഏരിയയില്‍ കളിക്കുകയായിരുന്ന ആനന്ദ് കുശ്വാഹ എന്ന കുട്ടിയാണ് മരണപ്പെട്ടത്.
അടുത്തുള്ള ആശുപത്രിയിൽ എത്തിച്ചപ്പോൾ തന്നെ കുട്ടി മരിച്ചിരുന്നതായി ഡോക്ടര്‍മാര്‍ സ്ഥിരീകരിച്ചു. കുട്ടിയും കുടുംബവും ഒമ്പത് ആഴ്‌ച മുമ്പ് മാത്രമാണ് പ്രദേശത്ത് താമസിക്കാൻ വന്നതെന്ന് ഉദ്യോഗസ്ഥർ പറഞ്ഞു.
