മോ​ദി ഇ​ന്ന് പ​ഞ്ചാ​ബി​ൽ; വഴിയിൽ തടയാൻ കർഷക പ്രക്ഷോഭകർ

പാ​ട്യാ​ല: ജൂ​ൺ ഒ​ന്നി​ന് വോ​​ട്ടെ​ടു​പ്പ് ന​ട​ക്കു​ന്ന പ​ഞ്ചാ​ബി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി വ്യാ​ഴാ​ഴ്ച തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നെ​ത്തു​മ്പോ​ൾ ക​ടു​ത്ത നി​ല​പാ​ടു​മാ​യി ക​ർ​ഷ​ക സം​ഘ​ട​ന​ക​ൾ. പ​ഞ്ചാ​ബി​ലെ ക​ർ​ഷ​ക പ്ര​ക്ഷോ​ഭ​ത്തി​ന്റെ ചൂ​ട​റി​ഞ്ഞ എ​ൻ.​ഡി.​എ സ്ഥാ​നാ​ർ​ഥി​ക​ൾ​ക്കു​പി​ന്നാ​ലെ, മോ​ദി​യെ​യും പ്ര​ചാ​ര​ണ​ത്തി​ന് അ​നു​വ​ദി​ക്കി​ല്ലെ​ന്ന നി​ല​പാ​ടി​ലാ​ണ് പ്ര​ക്ഷോ​ഭ​ക​ർ. ‘ഫെ​ബ്രു​വ​രി​യി​ൽ സ​മ​ര കാ​ല​ത്ത് അ​വ​ർ ഞ​ങ്ങ​ളെ ഡ​ൽ​ഹി​യി​ലേ​ക്ക് ക​ട​ക്കാ​ൻ സ​മ്മ​തി​ച്ചി​ല്ല. മോ​ദി​യു​മാ​യി കൂ​ടി​ക്കാ​ഴ്ച​ക്കും അ​വ​ർ അ​നു​വാ​ദം ന​ൽ​കി​യി​ല്ല. അ​തി​നാ​ൽ, ഞ​ങ്ങ​ളെ​ല്ലാ​വ​രും നാ​ളെ പാ​ട്യാ​ല​യി​ലേ​ക്ക് മാ​ർ​ച്ച് ചെ​യ്യു​ക​യാ​ണ്. അ​വ​ർ​ക്ക് അ​വ​രു​ടെ ചെ​യ്തി​ക​ളാ​ണ് ജ​നാ​ധി​പ​ത്യ​മെ​ങ്കി​ൽ ഞ​ങ്ങ​ൾ​ക്ക് ഞ​ങ്ങ​ളു​ടെ നി​ല​പാ​ടു​ക​ളാ​ണ് ജ​നാ​ധി​പ​ത്യം ’’- കി​സാ​ൻ മ​സ്ദൂ​ർ സം​ഘ​ർ​ഷ് ക​മ്മി​റ്റി ചെ​യ​ർ​മാ​ൻ സ്വ​ര​ൺ സി​ങ് പാ​ന്ത​ർ മാ​ധ്യ​മ​ങ്ങ​ളോ​ട് പ​റ​ഞ്ഞു. മോ​ദി​ക്കെ​തി​രെ ക​രി​​ങ്കൊ​ടി കാ​ണി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.

ncs-up

Rajan-up

വ്യാ​ഴാ​ഴ്ച പാ​ട്യാ​ല​യി​ൽ ബി.​ജെ.​പി സ്ഥാ​നാ​ർ​ഥി പ്ര​ണീ​ത് കൗ​റി​ന്റെ തെ​ര​ഞ്ഞെ​ടു​പ്പ് റാ​ലി​യി​ലാ​ണ് മോ​ദി ആ​ദ്യം പ​​ങ്കെ​ടു​ക്കു​ക. റാ​ലി ന​ട​ക്കു​ന്ന പോ​ളോ ഗ്രൗ​ണ്ടി​ലേ​ക്ക് ത​ങ്ങ​ളും മാ​ർ​ച്ച് ചെ​യ്യു​മെ​ന്ന് സം​യു​ക്ത കി​സാ​ൻ മോ​ർ​ച്ച (നോ​ൺ പൊ​ളി​റ്റി​ക്ക​ൽ) നേ​താ​ക്ക​ൾ വ്യ​ക്ത​മാ​ക്കി. മൈ​താ​ന​ത്ത് ത​ങ്ങ​ൾ​ക്കും സ്ഥ​ലം അ​നു​വ​ദി​ക്ക​ണ​മെ​ന്ന് അ​ധി​കാ​രി​ക​ളോ​ട് അ​വ​ർ ആ​വ​ശ്യ​പ്പെ​ട്ടി​ട്ടു​ണ്ട്. എ​ന്നാ​ൽ, മൈ​താ​ന​ത്തി​ൽ​നി​ന്ന് അ​ര കി​ലോ​മീ​റ്റ​ർ മാ​റി മ​റ്റൊ​രി​ട​ത്ത് പ്ര​തി​ഷേ​ധ​ക്കാ​ർ​ക്ക് സ്ഥ​ലം അ​നു​വ​ദി​ച്ചി​ട്ടു​ണ്ട്. അ​തു​മ​തി​യാ​കി​ല്ലെ​ന്ന നി​ല​പാ​ടി​ലാ​ണ് ക​ർ​ഷ​ക​ർ. ശാം​ഭു അ​തി​ർ​ത്തി​യി​ൽ ക​ർ​ഷ​ക പ്ര​ക്ഷോ​ഭം നൂ​റു​ദി​വ​സം പി​ന്നി​ടു​ന്ന ദി​വ​സം കൂ​ടി​യാ​ണ് വ്യാ​ഴാ​ഴ്ച. മോ​ദി​ക്കെ​തി​രാ​യ പ്ര​ക്ഷോ​ഭ​ത്തി​ൽ പ​ങ്കു​ചേ​രു​മെ​ന്ന് സം​യു​ക്ത കി​സാ​ൻ മോ​ർ​ച്ച​യും യു​നൈ​റ്റ​ഡ് കി​സാ​ൻ മോ​ർ​ച്ച​യും വ്യ​ക്ത​മാ​ക്കി​യി​ട്ടു​ണ്ട്. സം​സ്ഥാ​ന​ത്തെ പ്ര​ധാ​ന​പ്പെ​ട്ട മൂ​ന്ന് ക​ർ​ഷ​ക സം​ഘ​ട​ന​ക​ളും മോ​ദി​ക്കെ​തി​രെ രം​ഗ​ത്തി​റ​ങ്ങു​മെ​ന്ന് പ്ര​ഖ്യാ​പി​ച്ച​തോ​ടെ, വ​ൻ പ്ര​തി​ഷേ​ധ​ത്തി​ന് വ്യാ​ഴാ​ഴ്ച പാ​ട്യാ​ല സാ​ക്ഷ്യം വ​ഹി​ച്ചേ​ക്കും.

ALA-up

self

ക​ർ​ഷ​ക പ്ര​ക്ഷോ​ഭ​ത്തി​ന്റെ അ​നു​ര​ണ​ന​ങ്ങ​ൾ പ​ഞ്ചാ​ബി​ലും ഹ​രി​യാ​ന​യി​ലും ബി.​ജെ.​പി​ക്ക് വ​ലി​യ ക്ഷീ​ണം ചെ​യ്തി​ട്ടു​ണ്ട്. പ​ഞ്ചാ​ബി​ലെ ക​ർ​ഷ​ക ഗ്രാ​മ​ങ്ങ​ളി​ൽ പ​ല​യി​ട​ത്തും ബി.​ജെ.​പി സ്ഥാ​നാ​ർ​ഥി​ക​ൾ​ക്ക് പ്ര​വേ​ശ​നം പോ​ലും നി​ഷേ​ധി​ക്ക​പ്പെ​ട്ട സാ​ഹ​ച​ര്യ​മു​ണ്ടാ​യി. ഇ​തി​നി​ട​യി​ലാ​ണ് ഈ ​സ്ഥാ​നാ​ർ​ഥി​ക​ൾ​ക്ക് വോ​ട്ട​ഭ്യ​ർ​ഥി​ച്ച് മോ​ദി വ​രു​ന്ന​ത്. പാ​ട്യാ​ല​യി​ലെ പ​രി​പാ​ടി​ക്കു​ശേ​ഷം മോ​ദി നാ​ളെ ഗു​ർ​ദാ​സ് പൂ​രി​ലും ജ​ല​ന്ധ​റി​ലും പ്ര​ചാ​ര​ണ റാ​ലി​ക​ളി​ൽ പ​​ങ്കെ​ടു​ക്കു​ന്നു​ണ്ട്. അ​വി​ടെ​യും പ്ര​തി​ഷേ​ധ​ത്തി​ന് സാ​ധ്യ​ത​യു​ണ്ട്.

Rajan-up

self

അ​തി​നി​ടെ, ക​ർ​ഷ​ക നേ​താ​ക്ക​ൾ സം​യ​മ​നം പാ​ലി​ക്ക​ണ​മെ​ന്ന് പ​ഞ്ചാ​ബ് ബി.​ജെ.​പി ഘ​ട​കം ആ​വ​ശ്യ​പ്പെ​ട്ടു. സ​മ​ര​ക്കാ​രു​മാ​യി ച​ർ​ച്ച​യാ​കാ​മെ​ന്നും അ​വ​ർ ഉ​റ​പ്പു​ന​ൽ​കി. സ​മ​ര​ത്തി​ന്റെ പ​ശ്ചാ​ത്ത​ല​ത്തി​ൽ മോ​ദി​യു​ടെ സു​ര​ക്ഷ വ​ർ​ധി​പ്പി​ച്ചു. പ്ര​ധാ​ന​മ​ന്ത്രി​യു​ടെ ഓ​ഫി​സി​ലെ സു​ര​ക്ഷാ ഉ​ദ്യോ​ഗ​സ്ഥ​ർ ബു​ധ​നാ​ഴ്ച പാ​ട്യാ​ല​യി​ലെ​ത്തി സ്ഥി​തി​ഗ​തി​ക​ൾ വി​ല​യി​രു​ത്തി.