കെയ്‌റോ: പുരാവസ്തുക്കള്‍ തിരിഞ്ഞ് വീടിനുള്ളില്‍ കുഴിയെടുത്ത ദമ്പതികള്‍ക്ക് ദാരുണാന്ത്യം. ഈജിപ്തിലാണ് സംഭവം. പുരാവസ്തുക്കള്‍ ഉണ്ടെന്ന ധാരണയില്‍ വീടിനുള്ളില്‍ വലിയ കുഴി നിര്‍മ്മിക്കുകയായിരുന്നു ഈ കുഴിയില്‍ വീണാണ് ഭര്‍ത്താവും ഭാര്യയും മരിച്ചതെന്ന് പ്രാദേശിക മാധ്യമങ്ങളെ ഉദ്ധരിച്ച് ഗള്‍ഫ് ന്യൂസ് റിപ്പോര്‍ട്ട് ചെയ്തു.
ഗിസ നഗത്തിലെ വീട്ടിലാണ് സംഭവം ഉണ്ടായത്. 55കാരന്റെയും 40കാരിയായ ഭാര്യയുടെയും മൃതദേഹങ്ങള്‍ കുഴിയില്‍ കണ്ടെത്തി. പഴക്കച്ചവടക്കാരനായ ഇയാളും ഭാര്യയും ചേര്‍ന്ന് വീടിനുള്ളില്‍ വലിയ കുഴി നിര്‍മ്മിക്കുകയായിരുന്നു. ഒരു നില വീട്ടില്‍ രണ്ട് കുഴികളാണ് ഇത്തരത്തില്‍ ഇവര്‍ നിര്‍മ്മിച്ചത്. ഇതില്‍ കിടപ്പുമുറിയില്‍ നിര്‍മ്മിച്ച കുഴിയില്‍ ദമ്പതികള്‍ വീഴുകയും മരണപ്പെടുകയമായിരുന്നെന്ന് ഇവരുടെ മകന്‍ പൊലീസിനോട് വെളിപ്പെടുത്തി.
