ആലപ്പുഴ: അമ്പലപ്പുഴയില്‍ നിയന്ത്രണം തെറ്റിയ പാഴ്‌സല്‍ ലോറിയിടിച്ച് തടി ലോറി മറിഞ്ഞു. അമ്പലപ്പുഴ കാക്കാഴം റെയില്‍വെ മേല്‍പ്പാലത്തിന് വടക്ക് ആണ് സംഭവം. നിയന്ത്രണം തെറ്റിയ പാഴ്‌സല്‍ ലോറി തടി ലോറിയുടെ പിന്നില്‍ വന്നിടിക്കുകയായിരുന്നു. ഇടിയേറ്റ് തടി ലോറി മറിഞ്ഞു .ഇന്ന് പുലര്‍ച്ചെയായിരുന്നു അപകടം. അപകടത്തില്‍ പാഴസല്‍ ലോറി ഡ്രൈവര്‍ എറണാകുളം മൂത്തകുന്നം പാലമറ്റത്ത് ചെറിയാന്റെ മകന്‍ ആകേഷ് (38) ന് പരിക്കേറ്റു. ആകേഷിനെ ആലപ്പുഴ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
തിരുവനന്തപുരം ഭാഗത്തു നിന്ന് വന്ന മിനി പാഴ്‌സല്‍ ലോറി നിയന്ത്രണം തെറ്റി തൊട്ടു മുന്നില്‍ തടി കയറ്റിപ്പോയ ലോറിയില്‍ ഇടിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. ഇടിയുടെ ആഘാതത്തില്‍ ഒരു ഭാഗത്തേക്ക് തടി ലോറി മറിയുകയായിരുന്നു.
