അമ്പലപ്പുഴ > പുന്നപ്ര വടക്ക് പഞ്ചായത്ത് പറവൂർ സെൻ്റ് ജോസഫ് പള്ളിയിൽ നിന്ന് കാൽ നടയായി മലയാറ്റൂർ തീർഥാടനത്തിനു പോയവരുടെ സംഘത്തിലേക്ക്‌ വാൻ പാഞ്ഞുകയറി ഒരാൾ മരിച്ചു. പുന്നപ്ര വടക്ക് പഞ്ചായത്ത് 11-ാം വാർഡ് കുളങ്ങര വീട്ടിൽ ജോസഫിൻ്റെ (കൊച്ചുമോൻ) മകൻ ഷോൺ ജോസഫ് (21) ആണ് എറണാകുളത്തെ സ്വകാര്യ ആശുപത്രിയിൽ മരിച്ചത്. അമ്മ: ഷൈനി. സഹോദരി: ഷിയ. അപകടത്തിൽ മറ്റ് 4 പേർക്കുകൂടി പരിക്കേറ്റിട്ടുണ്ട്. പട്ടണക്കാട് തിങ്കൾ രാവിലെയായിരുന്നു അപകടം.
