പാലക്കാട് > പാലക്കാട് ലോറിക്കുപിന്നിൽ പിക്കപ്പ് വാൻ ഇടിച്ചുകയറി 2 മരണം. കഞ്ചിക്കോട്ട് ദേശീയപാതയിൽ പുലർച്ചെ 3.30നാണ് അപകടം. മേപ്പറമ്പ് പേഴുങ്കര സ്വദേശി നിഷാദ് (23), കൊടുന്തിരപ്പുള്ളി സ്വദേശി ശിവൻ (57) എന്നിവരാണ് മരിച്ചത്. ഗുരുതരമായി പരിക്കേറ്റ പിക്കപ്പ് വാൻ ഡ്രൈവറെ ആശുപത്രിയിൽ പ്രവേശിപ്പിച്ചു. കോയമ്പത്തൂർ ഭാഗത്തുനിന്നു പാലക്കാട്ടേക്കു പോവുകയായിരുന്നു ഇരു വാഹനങ്ങളും.
കോഴി കയറ്റി വന്ന പിക്കപ്പ് വാൻ ലോറിക്ക് പിന്നിൽ ഇടിക്കുകയായിരുന്നു. ഇടിയുടെ ആഘാതത്തിൽ പിക്കപ്പ് വാൻ പൂർണ്ണമായി തകർന്നു. വാഹനം പൊളിച്ചാണ് അഗ്നിരക്ഷാസേന വാനിലുണ്ടായിരുന്ന മൂവരെയും പുറത്തെടുത്തത്. അപകടത്തെ തുടർന്ന് ദേശീയപാതയിൽ ഒരു മണിക്കൂറോളം വാഹനഗതാഗതം തടസ്സപ്പെട്ടു. മൃതദേഹങ്ങൾ പാലക്കാട് ജില്ല ആശുപത്രി മോർച്ചറിയിൽ
