കോട്ടയം ∙ പാമ്പാടി പങ്ങടയിൽ പശുവിന്റെ കണ്ണിലും ദേഹത്തും ആസിഡ് ഒഴിച്ച് ക്രൂരത. ഷാപ്പുപടിക്ക് സമീപത്തുള്ള സുരേഷിന്റെ പശുവിനെയാണ് അയൽവാസി ആക്രമിച്ചത്. സംഭവവുമായി ബന്ധപ്പെട്ട് കൂരോപ്പട തട്ടാംപറമ്പിൽ ബിനോയിയെ പൊലീസ് അറസ്റ്റു ചെയ്തു. അയൽവാസിയോടുള്ള വൈരാഗ്യത്തേത്തുടർന്നാണ് പ്രതി ക്രൂരകൃത്യത്തിൽ ഏർപ്പെട്ടതെന്നാണ് വിവരം.
ശനിയാഴ്ച രാവിലെ 9 മണിയോടെയാണ് ബിനോയ് പശുവിന്റെ ദേഹത്ത് ആസിഡ് ഒഴിച്ചത്. ഇയാളുടെ പശുവിന്റെ പാൽ കുറഞ്ഞുവരുന്നത്, വീട്ടമ്മയായ മധ്യവയസ്ക കറന്നെടുക്കുന്നതിനാലാണെന്ന തെറ്റിദ്ധാരണയിലാണ് അവരുടെ പശുവിന്റെ ദേഹത്ത് ആസിഡ് ഒഴിച്ചത്. പ്രതിക്ക് മാനസിക പ്രശ്നങ്ങളുണ്ടോ എന്ന് സംശയിക്കുന്നതായും കൂടുതൽ വിവരങ്ങൾ അന്വേഷിച്ചു വരികയാണെന്നും പൊലീസ് വ്യക്തമാക്കി.
