ജനപ്രിയ പരമ്പരകളിൽ ഒന്നാണ് ‘നീയും ഞാനും’. 40 കാരനെ പ്രണയിക്കുന്ന 20 കാരിയുടെ കഥയാണ് പരമ്പര പറയുന്നത്. രവിചന്ദ്ര വർമ്മനും ശ്രീലക്ഷ്‍മിയുമാണ് ‘നീയും ഞാനും’ സീരിയലിലെ പ്രധാന കഥാപാത്രങ്ങൾ. സിനിമാ താരം ഷിജുവും പുതുമുഖം സുസ്‍മിതയുമാണ് ഈ കഥാപാത്രങ്ങളെ അവതരിപ്പിക്കുന്നത്.
‘നീയും ഞാനും’ പരമ്പരയുടെ ലൊക്കേഷനിലെ ചിത്രങ്ങൾ ഇപ്പോൾ സോഷ്യൽ മീഡിയയിൽ ശ്രദ്ധേയമാവുകയാണ്. ശ്രീലക്ഷ്‍മി തന്നെയാണ് ചിത്രങ്ങൾ വീഡിയോ രൂപത്തിലാക്കി പങ്കുവെച്ചിരിക്കുന്നത്. ഇളം പച്ച സാരിയിൽ അതീവ സുന്ദരിയായ താരത്തിന്റെ വിവിധ ലൊക്കേഷൻ ചിത്രങ്ങളാണ് വീഡിയോയിൽ. ‘പച്ചയ് നിറമേ’ എന്ന ഗാനത്തിന്റെ പശ്ചാത്തല സംഗീതമാണ് താരം വീഡിയോയിൽ ഉൾപെടുത്തിയിട്ടുള്ളത്. വളരെ സ്നേഹത്തോടെയാണ് എല്ലാവരും പ്രേക്ഷകരുടെ ശ്രീലക്ഷ്‍‍മിയുടെ ചിത്രങ്ങൾ ഏറ്റെടുത്തത്.
