കാബുൾ : അഫ്ഗാനിസ്ഥാനിൽ പടിഞ്ഞാറൻ കാബുളിലെ ഹൈസ്കൂളിൽ മൂന്ന് സ്ഫോടനങ്ങളിൽ 6 പേർ കൊല്ലപ്പെട്ടു. 11 പേർക്കു പരുക്കേറ്റു. ഷിയ ഹസാര സമൂഹത്തിൽപ്പെടുന്നവരാണ് ഇവിടെ പഠിക്കുന്നവരിൽ ഭൂരിപക്ഷവും.
ദാഷെ ബർച്ചിയിലെ അബ്ദുൽ റഹിം ഷഹീദ് ഹൈസ്കൂളിലായിരുന്നു സ്ഫോടനം. സ്കൂളിനകത്ത് പ്രവേശിച്ച ചാവേർ സ്വയം പൊട്ടിത്തെറിക്കുകയായിരുന്നു. സ്ഫോടന സമയത്ത് എത്ര കുട്ടികൾ സ്കൂളിൽ ഉണ്ടായിരുന്നുവെന്ന് വ്യക്തമായിട്ടില്ല. ആക്രമണത്തിനു പിന്നിലാരെന്ന് സൂചനയില്ല. നേരത്തേ മേഖലയിൽ ഐഎസിന്റെ ആക്രമണം ഉണ്ടായിട്ടുണ്ട്.
