കണ്ണൂര് : കാല്നട യാത്രക്കാരനെ സ്വകാര്യ ബസ് ഇടിച്ച സംഭവത്തിന് പിന്നാലെ ട്രെയിന് തട്ടി ബസ് ഡ്രൈവര്ക്ക് ദാരുണാന്ത്യം. ബസ് ഡ്രൈവര് മനേക്കര സ്വദേശി ജീജിത്ത് ആണ് മരിച്ചത്. കണ്ണൂര് തലശ്ശേരി പെട്ടിപ്പാലത്താണ് ദാരുണമായ സംഭവം. വടകര-തലശ്ശേരി റൂട്ടിലോടുന്ന സ്വകാര്യ ബസാണ് അപകടമുണ്ടാക്കിയത്. പെട്ടിപ്പാലത്തുവെച്ച് ബസ് കാല്നട യാത്രക്കാരനെ ഇടിക്കുകയായിരുന്നു. സംഭവം നടന്നയുടനെ ഡ്രൈവര് ബസില്നിന്ന് ഇറങ്ങിയോടുകയായിരുന്നു. തൊട്ടടുത്ത റെയില്വെ ട്രാക്കിലേക്കാണ് ബസ് ഡ്രൈവര് ഓടിയത്. ട്രാക്കിലൂടെ ഓടുന്നതിനിടെയാണ് ഇതിലൂടെ കടന്നുപോവുകയായിരുന്ന ട്രെയിന് ഇടിച്ചത്.
