ബംഗളൂരു: ബംഗളൂരു കെംപഗൗഡ അന്താരാഷ്ട്ര വിമാനത്താവളത്തിലേക്കും തിരിച്ചുമുള്ള ബി.എം.ടി.സി ബസ് സർവിസുകളുടെ വിവരങ്ങൾ വേഗത്തിൽ അറിയാൻ വെബ്സൈറ്റ് ലിങ്ക് സജ്ജീകരിച്ചു. രണ്ടാം ടെർമിനലിൽ എത്തിച്ചേരുകയും പുറപ്പെടുകയും ചെയ്യുന്ന വായുവജ്ര ബസുകളുടെ റൂട്ടും സമയവും സംബന്ധിച്ച വിവരങ്ങൾ http://kias.mybmtc.com വഴി അറിയാനാകും. വിമാനത്താവളത്തിലെ രണ്ടാം ടെർമിനലിൽ ബി.എം.ടി.സിയുടെ ഹെൽപ് ഡെസ്ക് കഴിഞ്ഞയാഴ്ച പ്രവർത്തനമാരംഭിച്ചിരുന്നു.
