മാവേലിക്കര: കിടപ്പുരോഗിയുടെ മസ്റ്ററിംഗ് നടത്താൻ പോയ അക്ഷയ കേന്ദ്രത്തിലെ ജീവനക്കാരിയെ നായ കടിച്ചു. തട്ടാരമ്പലത്തിൽ പ്രവർത്തിക്കുന്ന അക്ഷയ കേന്ദ്രത്തിലെ ജീവനക്കാരി കരിപ്പുഴ സ്വദേശിനി അപർണയുടെ ഇടതു കാൽപ്പാദത്തിലാണു സ്കൂട്ടറിനു പിന്നാലെ ഓടിയെത്തിയ നായ കടിച്ചത്. ഇന്ന് വൈകിട്ടു നാലിനു വഴുവാടി പൊറ്റമേൽകടവിനു സമീപമായിരുന്നു സംഭവം. മസ്റ്ററിംഗ് നടത്തുന്നതിനായി പ്രദേശവാസിയായ സ്മിത ഓമനക്കുട്ടനൊപ്പം സ്കൂട്ടറിൽ പോകവെയാണ് സംഭവം.
