എറണാകുളം> അങ്കമാലിയില്‍ ഇന്നലെ ഉണ്ടായ തീപിടിത്തത്തില്‍ കെട്ടിടത്തില്‍ കുടുങ്ങിയ ആള്‍ മരിച്ചു. കരയാമ്പറമ്പ് സ്വദേശി കെ എ ബാബു ആണ് മരിച്ചത്.അങ്കമാലി കറുകുറ്റിയില്‍ ന്യൂ ഇയര്‍ കുറി സ്ഥാപനത്തിന്റെ രണ്ടാം നിലയില്‍ തീപിടിക്കുകയായിരുന്നു.
കെട്ടിടത്തിന്റെ ഗ്രൗണ്ട് ഫ്‌ളോറില്‍ ഉല്‍പന്നങ്ങളുടെയും മറ്റും ഡിസ്‌പ്ലേയും ഒന്നാം നിലയില്‍ ഓഫീസുമാണ് പ്രവര്‍ത്തിച്ചിരുന്നത്. ഓഫീസിലെത്തിയ ആളാണു കെട്ടിടത്തില്‍ കുടുങ്ങിയതെന്നാണു സംശയിക്കുന്നത്. ഷോര്‍ട് സര്‍ക്യൂട്ടാണ് കാരണമെന്ന് സംശയിക്കുന്നു.
രാത്രി വൈകിയാണ് തീ നിയന്ത്രണവിധേയമായത്.തീപിടിച്ച നിലയില്‍നിന്ന് മൃതദേഹത്തിന്റെ അവശിഷ്ടം കണ്ടെത്തി. തീപിടിത്തത്തില്‍ കെട്ടിടത്തിന്റെ പോര്‍ച്ചില്‍ കിടന്നിരുന്ന 4 കാറുകള്‍ കത്തിനശിച്ചു.
