ജമ്മു : ഇരട്ട ഭീകരാക്രമണത്തിന് പിന്നാലെ ജമ്മുവിൽ വീണ്ടും സ്ഫോടനം. ശനിയാഴ്ച അർദ്ധരാത്രി ജമ്മുവിലെ സിദ്ര ഏരിയയിലെ ബജൽത ജംഗ്ഷനിലാണ് സംഭവം. വാഹനത്തിൻ്റെ യൂറിയ ടാങ്ക് പൊട്ടിത്തെറിച്ചുണ്ടായ സ്ഫോടനത്തിൽ ഒരു പോലീസ് കോൺസ്റ്റബിളിന് പരിക്കേറ്റു. സുരീന്ദർ സിംഗ് എന്ന ഉദ്യോഗസ്ഥൻ സിധ്ര ചൗക്കിൽ ഡ്യൂട്ടിയിലിരിക്കെ മണൽ കയറ്റി വന്ന ലോറി തടഞ്ഞു. ട്രക്ക് നിർത്തിയതിന് തൊട്ടു പിന്നാലെ യൂറിയ ടാങ് ക്പൊട്ടിത്തെറിക്കുകയും പോലീസുകാരന് പൊള്ളലേൽക്കുകയും ചെയ്തു. സർക്കാർ മെഡിക്കൽ കോളേജിൽ പ്രവേശിപ്പിച്ചിരിക്കുന്ന അദ്ദേഹത്തിന്‍റെആരോഗ്യനില തൃപ്തികരമാണ്.
അന്വേഷണത്തിൽ ഇതൊരു അപകടമല്ലെന്ന് കണ്ടെത്തുകയും നഗ്രോത പോലീസ് സ്റ്റേഷനിൽ എഫ്‌ഐആർ രജിസ്റ്റർ ചെയ്യുകയും ചെയ്തിട്ടുണ്ട്. 24 മണിക്കൂറിനിടെ ഉണ്ടാകുന്ന മൂന്നാമത്തെ സ്‌ഫോടനമാണ് ഇത്. മൂന്ന് സ്‌ഫോടനങ്ങളിലുമായി ഒരു പോലീസുകാരനാടകം പത്ത് പേർക്ക് പരിക്കേറ്റു.
