കൊച്ചി: ഇതര സംസ്ഥാന തൊഴിലാളികളെ കുത്തിക്കൊലപ്പെടുത്താന്‍ ശ്രമിച്ച ബംഗാള്‍ സ്വദേശി അറസ്റ്റില്‍. കൊച്ചി മുനമ്പത്ത് നിന്നാണ് പ്രതി പിടിയിലായത്. ഉദ്ധവ് ദാസ് എന്നയാളാണ് പിടിയിലായത്. ബംഗാള്‍ സ്വദേശിയായ ശംഭു സര്‍ദാറിനെയും സുഹൃത്തിനെയുമാണ് കൊല്ലാന്‍ ശ്രമിച്ചത്. കടവരാന്തയില്‍ കിടന്നുറങ്ങുമ്പോഴായിരുന്നു ആക്രമണം. 3 മാസം മുമ്പ് ഉദ്വബിനെയും അമ്മയെയും ബംഗാളില്‍വെച്ച് ശംഭു സര്‍ദാര്‍ ആക്രമിച്ചിരുന്നു. ഇതേ തുടര്‍ന്നാണ് ഉദ്ധവ് ദാസ് ശംഭുവിനെ ആക്രമിച്ചത്.
