അരൂര്‍: ബി.ജെ.പി പ്രവര്‍ത്തകനെ വടിവാളുകൊണ്ട് വെട്ടിപ്പരിക്കേല്‍പിച്ച കേസില്‍ മൂന്നുപേരെ കുത്തിയതോട് പോലീസ് പിടികൂടി. എഴുപുന്ന ഔട്ടാക്കല്‍ വീട്ടില്‍ പ്രവീണ്‍ (27), പുന്നക്കല്‍ വീട്ടില്‍ ജോമോന്‍ (26), വഴിച്ചിറ വീട്ടില്‍ ജയേഷ് (27) എന്നിവരെയാണ് കുത്തിയതോട് സി.ഐ ജെ. പ്രദീപ്, എസ്.ഐ ജി. അജിത് എന്നിവരുടെ നേതൃത്വത്തിലെ സംഘം അറസ്റ്റ് ചെയ്തത്. തിങ്കളാഴ്ച രാത്രി 8.20ന് വല്ലേത്തോട്ടിലാണ് കോടംതുരുത്ത് പഞ്ചായത്ത് 104 ാം നമ്പര്‍ ബൂത്ത് കമ്മിറ്റി അംഗം എഴുപുന്ന തെക്ക് പാലക്കാത്തറ വീട്ടില്‍ അജേഷ് ചന്ദ്രനെ(39) വെട്ടിപ്പരിക്കേല്‍പിക്കുന്നത്. ചേര്‍ത്തല ഗവ.ആശുപത്രിയിലെത്തിച്ചെങ്കിലും പരിക്ക് ഗുരുതരമായതിനെത്തുടര്‍ന്ന് അജേഷിനെ എറണാകുളത്തെ ആശുപത്രിയിലേക്ക് കൊണ്ടുപോകുകയായിരുന്നു.
