കൊല്ലം: മദ്യലഹരിയില്‍ ഭാര്യയെയും മകനെയും മര്‍ദിച്ചയാള്‍ പിടിയില്‍. തഴത്തല പേരയം എസ്.എസ് ഭവനില്‍ സുകേഷ് (41) ആണ് പിടിയിലായത്. ഇയാള്‍ നിരന്തരമായി മര്‍ദിക്കുന്നതിനാല്‍ കഴിഞ്ഞ നാലുമാസമായി ഭാര്യ തുഷാര ത‍ന്‍റെ സ്വന്തം വീട്ടിലായിരുന്നു. വിവാഹ ബന്ധം വേര്‍പ്പെടുത്തുന്നതിന് കുടുംബ കോടതിയില്‍ കേസ് നിലവിലുണ്ട്.
തുഷാരയെ മര്‍ദിക്കുന്നതിനിടെ തടസ്സംപിടിക്കുന്നതിനിടയിലാണ് 10 വയസ്സുള്ള കുട്ടിക്കും മര്‍ദനമേറ്റത്.
കൊട്ടിയം സബ് ഇന്‍സ്‌പെക്ടര്‍മാരായ സുജിത് ബി നായര്‍, അബ്ദുല്‍ റഹീം, എ.എസ്.ഐ ഫിറോസ്ഖാന്‍ എസ്.സി.പി.ഒ ബുഷ്റ മോള്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.
