കാട്ടൂർ : സ്കൂട്ടർ യാത്രക്കാരനെ കത്തികാട്ടി ഭീഷണിപ്പെടുത്തി സ്കൂട്ടറുമായി രക്ഷപ്പെടാൻ ശ്രമിച്ച സഹോദരങ്ങളെ കാട്ടൂർ പോലീസ് അറസ്റ്റുചെയ്തു. വെള്ളാനി കോഴിക്കുന്ന് സ്വദേശികളായ ജിബിൻ രാജ് (24), ബിബിൻ രാജ് (22) എന്നിവരാണ് അറസ്റ്റിലായത്. തിങ്കളാഴ്ച വൈകീട്ടാണ് സംഭവം. ഇരുവരെയും നാട്ടുകാരുടെ സഹായത്തോടെയാണ് പോലീസ് പിടികൂടിയത്.
ഇവരുടെ പേരിൽ കാട്ടൂർ, ഇരിങ്ങാലക്കുട, ആളൂർ, നെടുപുഴ എന്നീ പോലീസ് സ്റ്റേഷനുകളിൽ മോഷണ, കവർച്ച കേസുകൾ ഉണ്ടെന്ന് പോലീസ് പറഞ്ഞു. മോഷ്ടിച്ച സ്കൂട്ടറും പോലീസ് കസ്റ്റഡിയിലെടുത്തിട്ടുണ്ട്. എസ്.ഐ.മാരായ അരിസ്റ്റോട്ടിൽ, ബെനഡിക്റ്റ് എന്നിവരുടെ നേതൃത്വത്തിലുള്ള അന്വേഷണസംഘത്തിൽ എ.എസ്.ഐ.മാരായ അജയ് കെ. ഹരികൃഷ്ണൻ, സീനിയർ സി.പി.ഒ.മാരായ പ്രസാദ്, സതീഷ് കുമാർ, സി.പി.ഒ.മാരായ ശബരി, അഭിലാഷ്, ഷമീർ, പ്രദോഷ്, കിരൺ എന്നിവരും ഉണ്ടായിരുന്നു.
