ലോക ഒന്നാം നമ്പര്‍ ടെന്നീസ് താരം നൊവാക് ജോക്കോവിച്ചിന്റെ വിസ നിഷേധിച്ച് ഓസ്‌ട്രേലിയ. താരത്തെ മെല്‍ബണ്‍ വിമാനത്താവളത്തില്‍ തടഞ്ഞു. ഇന്ന് സെര്‍ബിയയിലേക്ക് മടക്കിയയക്കും. വാക്‌സിന്‍ എടുക്കാത്തതിനെ തുടര്‍ന്നാണ് നടപടി. കൊവിഡ് പ്രതിരോധ വാക്‌സിന്‍ എടുക്കാതെ ഓസ്‌ട്രേലിയന്‍ ഓപ്പണ്‍ ഇത്തവണ കളിക്കാന്‍ സാധിക്കില്ല. മെല്‍ബണ്‍ സ്ഥിതി ചെയ്യുന്ന ഓസ്‌ടേലിയയിലെ വിക്ടോറിയ സ്റ്റേറ്റില്‍ കായിക താരങ്ങള്‍ക്ക് വാക്‌സിന്‍ നിര്‍ബന്ധമാക്കിയിരിക്കുകയാണ്. വ്യക്തി സ്വാതന്ത്ര്യത്തിന്റെ ഭാഗമാണ് വാക്‌സിന്‍ എടുക്കണോ വേണ്ടയോ എന്നതെന്നും ആര്‍ക്കും ആരെയും ബ്ലാക്ക്‌മെയില്‍ ചെയ്യാന്‍ സാധിക്കില്ലെന്നും ജോക്കോവിച്ചിന്റെ പിതാവ് വ്യക്തമാക്കിയിരുന്നു. വാക്‌സിന്‍ നിര്‍ബന്ധമാക്കിയ പശ്ചാത്തലത്തില്‍ ജോക്കോവിച്ച് ഓസ്‌ട്രേലിയന്‍ ഓപ്പണില്‍ നിന്ന് വിട്ടു നിന്നേക്കുമെന്നും അദ്ദേഹം പറഞ്ഞു.
