കൊല്ലം: ചിതറയിൽ ഓട്ടോറിക്ഷ ഡ്രൈവറെ വെട്ടിക്കൊലപ്പെടുത്താൻ ശ്രമം. കിഴക്കുംഭാഗം സ്വദേശി ഹരിക്കാണ് വെട്ടേറ്റത്. മത്സ്യം വാങ്ങാൻ കിഴക്കുംഭാഗം മാർക്കറ്റിൽ എത്തിയ ഹരിയെ വിനോദ് കുമാർ എന്നയാൾ വെട്ടി പരിക്കേൽപ്പിക്കുകയായിരുന്നു. വെട്ടേറ്റയാളെ കടയ്ക്കൽ താലൂക്ക് ആശുപത്രിയിൽ പ്രവേശിപ്പിച്ചു. വൈകിട്ട് ഏഴ് മണിയോടെയാണ് സംഭവം. വിനോദ് കുമാറിനെ നാട്ടുകാർ തടഞ്ഞു വച്ചു പൊലീസിന് കൈമാറി. വെട്ടേറ്റ ഹരിയും വിനോദ്കുമാറും തമ്മിൽ നേരത്തെ മുതൽ വ്യക്തി വൈരാഗ്യമുണ്ടായിരുന്നതായി പോലീസ്.
