ഈ ചൂടത്തൊക്കെ കല്യാണം വന്നാൽ എന്ത് ചെയ്യാനാ…വേനൽ കാലം ഒരു വിവാഹ സീസൺ കൂടിയായി മാറിയതോടെ ചർമ സംരക്ഷണം ഒരു വലിയ പ്രശ്നം തന്നെയാണ്. പക്ഷേ, സ്വന്തം കല്യാണ ദിനത്തിൽ സുന്ദരിയായി തിളങ്ങാൻ പ്രതിവിധികൾ കണ്ടെത്തിയല്ലേ മതിയാവു. ടെൻഷനടിക്കേണ്ട, പോംവഴിയുണ്ട്. വേനൽ കാലത്ത് ഒരൊറ്റ ദിവസത്തെ ചർമസംരക്ഷണം കൊണ്ട് സുന്ദരിയായി ഒരുങ്ങാം എന്ന് കരുതണ്ട. കല്യാണം ഉറപ്പിച്ചാൽ തന്നെ ചർമസംരക്ഷണം തുടങ്ങാം. ഏറ്റവും ചുരുങ്ങിയത് ഒരാഴ്ചയെങ്കിലും നിങ്ങളുടെ ചർമത്തെ പരിചരിച്ചേ മതിയാവു. കല്യാണം ദിവസം തിളങ്ങാൻ ഇതൊക്കെ പരീക്ഷിക്കാം.
പരീക്ഷണം വേണ്ട
കല്യാണത്തിനോടനുബന്ധിച്ച് മുഖത്ത് ഇതുവരെ ഉപയോഗിച്ചിട്ടില്ലാത്ത ബ്യൂട്ടി പ്രൊഡക്ടുകൾ പരീക്ഷിക്കാതിരിക്കുന്നതാണ് നല്ലത്. കണ്ണിൽ കണ്ടതെല്ലാം മുഖത്ത് തേച്ചു പിടിപ്പിക്കാതെ ഉപയോഗിച്ച് ശീലിച്ചത് മാത്രം ഉപയോഗിക്കാം. ഇനി ഇതുവരെ പരീക്ഷണങ്ങൾ നടത്താത്തവരാണെങ്കിൽ ഏതെങ്കിലും ബ്യൂട്ടി കൺസൾട്ടന്റിനെ കണ്ട് നിർദ്ദേശങ്ങൾ സ്വീകരിക്കാവുന്നതാണ്.
ക്ലെൻസർ
നിങ്ങളുടെ ചർമത്തിന് യോജിച്ച ഒരു ക്ലെൻസർ വാങ്ങിക്കുക. മുഖം ക്ലെൻസ് ചെയ്യാൻ 20 സെക്കൻഡിൽ കൂടുതൽ ചെലവഴിക്കരുത്. ചർമത്തിലെ സ്വാഭാവിക എണ്ണകൾ നീക്കം ചെയ്യാത്ത ഒരു ക്ലെൻസർവാങ്ങിക്കുന്നതാവും ഏറ്റവും ഉചിതം. ഇത് ദിവസവും ഉപയോഗിക്കുക.
വെയിലിനെ ശ്രദ്ധിക്കണം
വേനൽകാലമായതുകൊണ്ട് തന്നെ ഏറ്റവും കൂടുതൽ ശ്രദ്ധിക്കേണ്ട സമയമാണ്. പുറത്തിറങ്ങുമ്പോൾ സൺസ്ക്രീൻ കൃത്യമായി അപ്ലൈ ചെയ്തിട്ടുണ്ടെന്ന് ഉറപ്പുവരുത്തുക. സൺഗ്ലാസോ കുടയോ തൊപ്പിയോ എപ്പോഴും കയ്യിൽ കരുതുന്നത് നല്ലതാണ്. പിന്നെ ശരീരത്തിൽ ജലാംശം നിലനിർത്താനും പ്രത്യേക.