ദില്ലി : വരുന്ന ഐപിഎൽ ലേലത്തിനു മുന്നോടിയായി നിലനിർത്തിയിരിക്കുന്നവരുടെ പട്ടിക പുറത്തുവിട്ട് നിലവിലെ ചാമ്പ്യന്മാരായ ചെന്നൈ സൂപ്പർ കിംഗ്സ്. 16.25 കോടി രൂപ മുടക്കി കഴിഞ്ഞ സീസണിൽ ടീമിലെത്തിച്ച ബെൻ സ്റ്റോക്സിനെ ചെന്നൈ റിലീസ് ചെയ്തു. സീസണിൽ കുറേയധികം കളികളിൽ പരുക്കേറ്റ് പുറത്തിരുന്ന സ്റ്റോക്സ് മോശം ഫോമിലായിരുന്നു. സ്റ്റോക്സിനൊപ്പം, ഏറെക്കാലമായി ടീമിനൊപ്പമുള്ള അമ്പാട്ടി റായുഡു, ദക്ഷിണാഫ്രിക്കൻ ഓൾറൗണ്ടർ ഡ്വെയിൻ പ്രിട്ടോറിയസ്, ദക്ഷിണാഫ്രിക്കൻ പേസർ സിസാൻഡ മഗാല, ന്യൂസീലൻഡ് പേസർ കെയിൽ ജമീസൺ, ഇന്ത്യൻ പേസർ ആകാശ് സിംഗ് എന്നിവരെയും സിഎസ്കെ റിലീസ് ചെയ്തു. സുഭ്രാൻശു സേനാപതി, ഭഗത് വർമ എന്നിവർക്കും ഇടം ലഭിച്ചില്ല. അജിങ്ക്യ രഹാനെ, രവീന്ദ്ര ജഡേജ, ശിവാം ദുബെ, ദീപക് ചഹാർ, തുഷാർ ദേശ്പാണ്ഡെ തുടങ്ങിയർ ടീമിലുണ്ട്.
