മലപ്പുറം: മലപ്പുറത്ത് നിലമ്പൂർ, പെരിന്തൽമണ്ണ ബെവ്കോ ഔട്ട്ലെറ്റുകളിൽ റെയ്ഡ് നടത്തി വിജിലൻസ്. രണ്ട് ഔട്ട്ലെറ്റുകളിൽ നിന്നും കണക്കിൽ പെടാത്ത പണം കണ്ടെത്തി. നിലമ്പൂർ ഔട്ട്ലെറ്റിൽ നിന്ന് കണക്കിൽ പെടാത്ത പതിനാറായിരത്തോളം രൂപ കണ്ടെത്തിയെന്നാണ് റിപ്പോർട്ടുകൾ. പെരിന്തൽമണ്ണ ഔട്ട്ലെറ്റിൽ നിന്നും കണക്കിൽപ്പെടാത്ത 20,000ത്തോളം രൂപ പിടിച്ചെടുത്തു. പല സ്ഥലത്തായി ഒളിപ്പിച്ച നിലയിലാണ് നോട്ടുകൾ.
