ബെംഗളൂരു: കള്ളപ്പണം വെളുപ്പിച്ചുവെന്ന കേസില് ബിനീഷ് കോടിയേരി പ്രതിയായി തുടരും. കേസില് നിന്ന് വിടുതല് തേടിയുള്ള ബിനീഷ് കോടിയേരിയുടെ ഹര്ജി ബെംഗളൂരു കോടതി തള്ളി. 34-ാം അഡീഷണല് സിറ്റി സിവില് ആന്ഡ് സെഷന്സ് കോടതിയാണ് ഹര്ജി തള്ളിയത്. കേസില് നാലാം പ്രതിയായ തന്നെ പ്രതിപട്ടികയില് നിന്ന് ഒഴിവാക്കണമെന്നാവശ്യപ്പെട്ട് ബിനീഷ് നല്കിയ ഹര്ജി മുപ്പത്തിനാലാം അഡീഷണല് സിറ്റി സിവില് ആന്ഡ് സെഷന്സ് കോടതി ജഡ്ജി തള്ളി.
ലഹരി ഇടപാട് കേസില് അറസ്റ്റിലായ ഒന്നാം പ്രതി മുഹമ്മദ് അനൂപിന് സാമ്പത്തിക സഹായം ചെയ്തെന്ന കണ്ടെത്തലില് 2020ല് ആണ് ബിനീഷ് കോടിയേരി അറസ്റ്റിലായത്. കേസ് കെട്ടിച്ചമച്ചതാണെന്ന വാദം ആവര്ത്തിച്ചായിരുന്നു ബിനീഷ് പ്രതിപട്ടികയില് നിന്ന് ഒഴിവാക്കണമെന്ന ഹര്ജി നല്കിയത്. എന്നാല് ബിനീഷിനെതിരെ അതീവ ഗുരുതരമായ നിരീക്ഷണങ്ങളോടെയാണ് ഹര്ജി കോടതി തള്ളിയത്. ബിനീഷ് കോടിയേരിക്ക് ഒന്നാം പ്രതി മുഹമ്മദ് അനൂപിന്റെ ലഹരി ഇടപാടുകളെ കുറിച്ചും കച്ചവടത്തെ കുറിച്ചും വ്യക്തമായ അറിവുണ്ടായിരുന്നെന്നാണ് കോടതി നിരീക്ഷണം.
