ന്യൂഡൽഹി> എന്തധികാരത്തിലാണ്‌ വോട്ടെണ്ണലിന്‌ തൊട്ടുമുമ്പ്‌ ജില്ലാ കലക്ടർമാരെ കേന്ദ്ര ആഭ്യന്തര മന്ത്രി അമിത്‌ ഷാ വിളിച്ചതെന്ന്‌ സിപിഐ സംസ്ഥാന സെക്രട്ടറി ബിനോയ്‌ വിശ്വം എംപി. മോദിയുടെ നേതൃത്വത്തിലുള്ള സംഘത്തിന്റെ നിയമലംഘനങ്ങളിൽ തെരഞ്ഞെടുപ്പുകമീഷൻ മൗനംതുടരുകയാണ്‌. എക്‌സിറ്റ്‌ പോൾ ഫലങ്ങൾ പാളിയാൽ പ്രധാനമന്ത്രി നരേന്ദ്ര മോദി ഡോണൾഡ്‌ ട്രംപിന്റെ പാത സ്വീകരിക്കുമോയെന്നും അദ്ദേഹം ചോദിച്ചു. അമേരിക്കയിലെ ക്യാപിറ്റോൽ ഹില്ലിൽ സംഭവിച്ചപോലെ ചൊവ്വാഴ്‌ച ഡൽഹിയിൽ സംഭവിക്കുമോയെന്നും ബിനോയ്‌ വിശ്വം എക്‌സിൽ കുറിച്ചു.
