എറണാകുളം : കോതമംഗലം – കുട്ടമ്പുഴ പുഴയിൽ പതിനഞ്ചുകാരൻ്റെ മൃതദേഹം കണ്ടെത്തി. പിണവൂർകുടി സ്വദേശി മഹേഷിനെയാണ് പുഴയിൽ മരിച്ച നിലയിൽ കണ്ടെത്തിയത്. ഇന്നലെ പഠനാവശ്യവുമായി ബന്ധപ്പെട്ട സർട്ടിഫിക്കറ്റ് തയ്യാറാക്കാൻ മഹേഷ് കുട്ടമ്പുഴയ്ക്ക് പോയിരുന്നു. വൈകുന്നേരമായിട്ടും കാണാതായതിനെ തുടർന്ന് വീട്ടുകാർ കുട്ടമ്പുഴ പോലീസിൽ പരാതി നൽകിയിരുന്നു. പോലീസ് അന്വേഷണം നടക്കുന്നതിനിടയിലാണ് ഇന്ന് കുട്ടമ്പുഴ ടൗണിനോട് ചേർന്നുള്ള പുഴയിൽ മൃതദേഹം കണ്ടെത്തിയത്.
