വള്ളികുന്നം: കായംകുളം വള്ളികുന്നം കടുവിനാലിൽ ഓട്ടോറിക്ഷ ഡ്രൈവറുടെ മൃതദേഹം വീടിനുള്ളിൽ കത്തിക്കരിഞ്ഞ നിലയിൽ കണ്ടെത്തി. കടുവിനാൽ പറങ്കാമുട്ടിൽ സ്വാതി നിവാസിൽ ചന്ദ്രകുമാറിനെയാണ് (60) പൊള്ളലേറ്റ് മരിച്ച നിലയിൽ കണ്ടെത്തിയത്.
ചന്ദ്രകുമാർ രണ്ട് വർഷമായി പള്ളിക്കത്തറ ജങ്ഷന് സമീപമുള്ള വീട്ടിൽ വാടകക്ക് താമസിക്കുകയായിരുന്നു. ഞായറാഴ്ച രാവിലെ ഓട്ടം വിളിച്ചിരുന്നയാൾ ഫോണിൽ വിളിച്ചെങ്കിലും കിട്ടിയില്ല. തുടർന്ന് നടത്തിയ അന്വേഷണത്തിലാണ് കിടപ്പുമുറിയിലാണ് മൃതദേഹം കണ്ടത്.
വള്ളികുന്നം പൊലീസ് സ്ഥലത്ത് എത്തി മേൽനടപടികൾ സ്വീകരിച്ചു . ഭാര്യ: അംബിക. മക്കൾ: സന്ദീപ്, സ്വാതി. സംസ്കാരം തിങ്കളാഴ്ച.
