കാസര്‍കോട്: കാസര്‍കോട് ഉപ്പള കൈക്കമ്പയില്‍ കത്തിയുമായി യുവാവിന്റെ പരാക്രമം. ശരണ്‍ എന്ന യുവാവാണ് കത്തിയുമായി ഭീഷണി മുഴക്കിയത്. ഇന്ന് രാവിലെ 11 മണിയോടുകൂടിയാണ് സംഭവം. ആദ്യം ഓട്ടോറിക്ഷാ ഡ്രൈവര്‍ക്കുനേരെയായിരുന്നു ഇയാളുടെ പരാക്രമം. തുടര്‍ന്ന് ഓട്ടോഡ്രവര്‍ വാഹനത്തില്‍ നിന്നും ഓടി രക്ഷപ്പെട്ടു. തുടര്‍ന്ന് ശരണും ഇദ്ദേഹത്തിന് പിന്നാലെ ഓടി ഭീഷണപ്പെടുത്തല്‍ തുടര്‍ന്നു. പിന്നീടാണ് ഇയാള്‍ യാത്രക്കാര്‍ക്കുനേരെ ഭീഷണിപ്പെടുത്തല്‍ തുടര്‍ന്നത്. പോലീസ് എത്തി ശരണിനെ കസ്റ്റഡിയിലെടുത്തു.
