ലക്നൗ∙ വിവാഹച്ചടങ്ങിനിടെ റിവോൾവർ മുകളിലേക്ക് ഉയർത്തി വധു ആഘോഷവെടി വയ്ക്കുന്നതിന്റെ വിഡിയോ സമൂഹമാധ്യമങ്ങളിൽ പ്രചരിച്ചു. യുപിയിലെ ഹത്രസ് ജില്ലയിലുള്ള സലംപുർ ഗ്രാമത്തിലാണു സംഭവം.വധുവും വരനും സ്റ്റേജിൽ കസേരകളിൽ ഇരിക്കുന്നതാണു വിഡിയോയുടെ തുടക്കത്തിൽ കാണിക്കുന്നത്. തൊട്ടടുത്തു നിൽക്കുന്ന ആൾ വധുവിന്റെ കയ്യിലേക്കു തോക്ക് നൽകുന്നു. തുടർന്നാണു തോക്ക് മുകളിലേക്കുയർത്തി വധു 4 തവണ വെടിയുതിർത്തത്. വിഡിയോ പ്രചരിച്ചതോടെ പൊലീസ് കേസെടുത്ത് അന്വേഷണം തുടങ്ങി.
