ആമ്പല്ലൂര്‍: രണ്ടുദിവസമായി കാണാതായ സി.ഐ.ടി.യു നേതാവിനെ ആലുവ കരുമാലൂര്‍ മാമ്പ്ര പുഴയില്‍ മുങ്ങി മരിച്ച നിലയില്‍ കണ്ടെത്തി. ആമ്പല്ലൂര്‍ എരിപ്പോട് കാഞ്ഞിരത്തിങ്കല്‍ പോളാണ് (72) മരിച്ചത്. ശനിയാഴ്ച രാവിലെ വീട്ടില്‍ നിന്നിറങ്ങിയതായിരുന്നു. വൈകീട്ട് കാണാതായതോടെ ബന്ധുക്കള്‍ പോലീസില്‍ അറിയിച്ചു. തിങ്കളാഴ്ച രാവിലെയാണ് മൃതദേഹം കണ്ടെത്തിയത്. ആലുവ വെസ്റ്റ് പോലീസ് മേല്‍നടപടി സ്വീകരിച്ചു. ഭാര്യ ബേബി മൂന്ന് മാസം മുമ്പ് മരണപ്പെട്ടിരുന്നു. മക്കള്‍ വിദേശത്തായതിനാല്‍ പോള്‍ തനിച്ചാണ് താമസിച്ചിരുന്നത്. സി.പി.എം അളഗപ്പനഗര്‍ ബ്രാഞ്ച് കമ്മിറ്റിയംഗമായ പോള്‍, മുന്‍ ലോക്കല്‍ കമ്മിറ്റിയംഗവും ആമ്പല്ലൂര്‍ സര്‍വിസ് സഹകരണ ബാങ്ക് പ്രസിഡന്റായും പ്രവര്‍ത്തിച്ചിട്ടുണ്ട്. നിലവില്‍ സി.ഐ.ടി.യു അളഗപ്പ ടെക്‌സ്‌റ്റൈല്‍സ് യൂനിയന്‍ പ്രസിഡന്റാണ്. മക്കള്‍: ബെഞ്ചമിന്‍, ഷാര്‍ലറ്റ്. മരുമക്കള്‍: സിജോ, സാം.
