ശ്രീനഗര്‍ : ജമ്മു കശ്മീരിലുണ്ടായ ഏറ്റുമുട്ടലുകളില്‍ സൈന്യം അഞ്ചു ഭീകരരെ വധിച്ചു. ജയ്‌ഷെ മുഹമ്മദ് കമാന്‍ഡര്‍ സഹീദ് വാനിയും കൊല്ലപ്പെട്ടവരില്‍ ഉള്‍പ്പെടുന്നു. പുല്‍വാമയിലും ബുഡ്ഗാമിലുമുണ്ടായ ഏറ്റുമുട്ടലിലാണ് ഭീകരരെ വധിച്ചത്. പുല്‍വാമയില്‍ തന്നെ നാല് ഭീകരരെ വധിച്ചു. 12 മണിക്കൂറിലേറെയായി ഏറ്റുമുട്ടല്‍ തുടരുകയാണ്. ജയ്‌ഷെ കമാന്‍ഡറും ഒരു പാക്കിസ്ഥാനിയും മൂന്ന് പ്രാദേശിക ഭീകരരുമാണ് കൊല്ലപ്പെട്ടതെന്ന് സുരക്ഷാ സേന അറിയിച്ചു. കഴിഞ്ഞ വെള്ളിയാഴ്ച 3 ഭീകരരെ അറസ്റ്റ് ചെയ്തിരുന്നു. ഇവരില്‍ നിന്നു ലഭിച്ച വിവരങ്ങളുടെ അടിസ്ഥാനത്തിലാണ് ഇപ്പോള്‍ ഏറ്റുമുട്ടലില്‍ 5 ഭീകരരെ വധിച്ചത്. ഇന്നലെ അനന്ത്‌നാഗില്‍ ഒരു പൊലീസ് ഉദ്യോഗസ്ഥന്‍ വീരമൃത്യു വരിച്ചിരുന്നു. ആ മേഖലയിലും തിരച്ചില്‍ ശക്തമാക്കിയിരിക്കുകയാണ്.
