റിയാദ്: സൗദി അറേബ്യയില്‍ പുതിയ കൊവിഡ് കേസുകളുടെ എണ്ണം കുറഞ്ഞു. 24 മണിക്കൂറിനിടെ പുതുതായി 175 പേര്‍ക്ക് മാത്രമാണ് പുതുതായി രോഗബാധ സ്ഥിരീകരിച്ചത്. രോഗംബാധിച്ച് ചികിത്സയിലിരിക്കുന്നവരില്‍ 409 പേര്‍ കൂടി സുഖം പ്രാപിച്ചു. രാജ്യത്ത് ഇതുവരെ റിപ്പോര്‍ട്ട് ചെയ്ത ആകെ കേസുകളുടെ എണ്ണം 809,449 ആയി.
ആകെ രോഗമുക്തരുടെ എണ്ണം 794,844 ആയി ഉയര്‍ന്നു. ആകെ മരണസംഖ്യ 9,250 ആയി. രോഗബാധിതരില്‍ 5,355 പേരാണ് ചികിത്സയില്‍ കഴിയുന്നത്. ഇതില്‍ 127 പേര്‍ ഗുരുതരാവസ്ഥയിലാണ്. ഇവര്‍ രാജ്യത്തെ വിവിധ ഭാഗങ്ങളിലെ ആശുപത്രികളില്‍ തീവ്രപരിചരണ വിഭാഗത്തില്‍ കഴിയുകയാണ്. 24 മണിക്കൂറിനിടെ 8,004 ആര്‍.ടി-പി.സി.ആര്‍ പരിശോധനകള്‍ നടത്തി. റിയാദ് 53, ജിദ്ദ 33, ദമ്മാം 15, മദീന 9, മക്ക 6, ഹുഫൂഫ് 6, ത്വാഇഫ് 5, അബ്ഹ 5, ദഹ്‌റാന്‍ 5, ബുറൈദ 4, ഹാഇല്‍ 3, അല്‍ബാഹ 2, ഖോബാര്‍ 2, ഉനൈസ 2, അല്‍റസ് 2, ജുബൈല്‍ 2 എന്നിങ്ങനെയാണ് രാജ്യത്തെ വിവിധ ഭാഗങ്ങളില്‍ പുതിയ കൊവിഡ് കേസുകള്‍ റിപ്പോര്‍ട്ട് ചെയ്തത്.
