തിരുവനന്തപുരം : കോണ്ഗ്രസിനോടുള്ള സമീപനത്തെ ചൊല്ലി സി.പി.ഐ.എം, സി.പി.ഐ തര്ക്കം തുടരുന്നതിനിടെ സി.പി.ഐ സംസ്ഥാന എക്സിക്യൂട്ടീവ് യോഗം ഇന്ന് ചേരും. സില്വര് ലൈന് പദ്ധതിയുടെ ഡി.പി.ആര് പുറത്ത് വിടണമെന്ന ആവശ്യം യോഗത്തില് ഉയര്ന്നേക്കാം. കോണ്ഗ്രസ് തകര്ന്നാല് ആ വിടവ് നികത്താന് ഇടതുപക്ഷത്തിന് ആവില്ലെന്ന ബിനോയ് വിശ്വത്തിന്റെ പ്രസ്താവനയിലാണ് സി.പി.ഐ.എം-സി.പി.ഐ തര്ക്കം തുടരുന്നത്. ബിനോയ് വിശ്വത്തിന്റെ നിലപാട് സി.പി.ഐ.എം ചോദ്യം ചെയ്തപ്പോള് സി.പി.ഐ പൂര്ണ്ണ പിന്തുണ നല്കി. സി.പി.ഐ നിലപാട് ഉപതെരഞ്ഞെടുപ്പില് കോണ്ഗ്രസിന് സഹായിക്കുമെന്ന് കോടിയേരി ബാലകൃഷ്ണന് പറഞ്ഞതോടെ തര്ക്കം മറ്റൊരു തലത്തിലേക്ക് മാറുകയായിരുന്നു.
