പാലക്കാട്; സിപിഐഎം ബിജെപി സംഘര്ഷത്തില് മൂന്ന് പേര്ക്ക് പരിക്ക്. പാലക്കാട് പഴമ്പാലക്കോട് സിപിഐഎം പ്രവര്ത്തകര് വീട് കയറി ആക്രമിച്ചുവെന്നാണ് ബിജെപിയുടെ പരാതി. സംഭവത്തില് രണ്ട് ബിജെപി പ്രവര്ത്തകര്ക്കും ഒരു സ്ത്രീയ്ക്കും പരിക്കേറ്റു. ഇവരെ ആലത്തൂര് താലൂക്കാശുപത്രിയില് പ്രവേശിപ്പിച്ചു. 25ഓളം സിപിഐഎം പ്രവര്ത്തകര് വീട് കയറി ആക്രമിച്ചു എന്നാണ് ബിജെപിയുടെ ആരോപണം. രണ്ട് യുവമോര്ച്ചാ പ്രവര്ത്തകര്ക്കും ഒരു പ്രവര്ത്തകന്റെ അമ്മയ്ക്കുമാണ് പരുക്കേറ്റത്. സ്ഥലത്ത് കൊടിതോരണങ്ങള് തകര്ത്തതുമായി ബന്ധപ്പെട്ട് വാക്കേറ്റമുണ്ടായിരുന്നു. ഇതാണ് വീട് കയറി ആക്രമണത്തിലേക്ക് നയിച്ചത്.
