കൊടുമണ്‍ : പത്തനംതിട്ട കൊടുമണ്ണിലെ സിപിഎം-സിപിഐ സംഘര്‍ഷത്തിന്റെ ദൃശ്യങ്ങള്‍ പുറത്ത്. സിപിഐ നേതാക്കളെ മര്‍ദിക്കുന്ന ദൃശ്യങ്ങളാണ് പുറത്തുവന്നത്. ലോക്കല്‍ സെക്രട്ടറി സുരേഷ് ബാബു, മുന്‍ പഞ്ചായത്തംഗം ഉദയകുമാര്‍ എന്നിവര്‍ക്കാണ് മര്‍ദനമേറ്റത്. കഴിഞ്ഞ ഞായറാഴ്ചയാണ് സംഭവം. അങ്ങാടിക്കല്‍ സര്‍വീസ് സഹകരണ ബാങ്ക് തിരഞ്ഞെടുപ്പിനിടെയാണ് സിപിഎം, സിപിഐ പ്രവര്‍ത്തകര്‍ തമ്മില്‍ സംഘര്‍ഷമുണ്ടായത്. സിപിഎം കള്ളവോട്ട് ചെയ്യാന്‍ ശ്രമിക്കുന്നതായി സിപിഐ ആരോപിച്ചതിനെ തുടര്‍ന്നാണ് സംഘര്‍ഷം ഉടലെടുത്തത്. വോട്ടെടുപ്പ് നടന്ന ഹാളിനു പുറത്തുവച്ചായിരുന്നു കയ്യാങ്കളി.
