കോഴിക്കോട്: കൂരാച്ചുണ്ട് നമ്പി കുളത്തിലെ മത്തന്‍കൊല്ലി വ്യൂ പോയിന്റില്‍ യുവാവ് കൊക്കയില്‍ വിണ് മരിച്ച നിലയില്‍. ബാലുശ്ശേരി സ്വദേശി കിണറുള്ളതില്‍ ഭാസ്‌കരന്റെ മകന്‍ രാഹുലിനെയാണ് (32) മരണപ്പെട്ട നിലയില്‍ ഇന്നലെ കണ്ടെത്തിയത്. കൂരാച്ചുണ്ട് പോലീസും, ഫയര്‍ഫോഴ്‌സും, നാട്ടുകാരും നടത്തിയ തിരച്ചിലിലാണ് മൃതദേഹം കണ്ടെത്തിയത്.
കൂരാച്ചുണ്ട് പോലിസ് സബ് ഇന്‍സ്‌പെക്ടര്‍ അന്‍വര്‍ ഷായുടെ നേതൃത്യത്തില്‍ ഇന്‍ക്വസ്റ്റ് നടപടികള്‍ പൂര്‍ത്തിയാക്കിയതിനു ശേഷം ഇന്നലെ വൈകിട്ട് 6 മണിയോടെ ബോഡി പോസ്റ്റമോര്‍ട്ടത്തിനായി ,മെഡിക്കല്‍ കോളേജിലേക്ക് അയച്ചു. അസ്വഭാവിക മരണത്തിന് കൂരാച്ചുണ്ട് പോലിസ് കേസെടുത്തു.
