പത്തനംതിട്ട : നവകേരള സദസ്സിന് സാമ്പത്തിക സഹായം അനുവദിച്ച തീരുമാനം പുനപരിശോധിക്കാൻ വിളിച്ചു ചേർത്ത തിരുവല്ല നഗരസഭ കൗൺസിൽ യോഗം തുടങ്ങും മുൻപ് എൽഡിഎഫ് കൗൺസിലർമാരുടെ പ്രതിഷേധം. പ്രതിഷേധം രൂക്ഷമായതിനെ തുടർന്ന് ചെയർപേഴ്സനെ മുറിയിൽ തടഞ്ഞുവെച്ചു. സാമ്പത്തിക സഹായം അനുവദിച്ച തീരുമാനം എത്രയും വേഗം പുനപരിശോധിക്കണമെന്ന് കോൺഗ്രസ് നേതൃത്വം നിർദ്ദേശം നൽകിയതിനെ തുടർന്നാണ് അടിയന്തിര കൗൺസിൽ ഇന്ന് വിളിച്ചത്. യുഡിഎഫ് ഭരണത്തിലുള്ള തിരുവല്ല നഗരസഭ ഒരു ലക്ഷം രൂപ അനുവദിച്ചത് വിവാദമായിരുന്നു.
