മലയാളികളെ ഒന്നടങ്കം അമ്പരപ്പിച്ച ഡാന്‍സറാണ് സുഹൈദ് കുക്കു. ‘ഡി ഫോര്‍ ഡാന്‍സ്’ എന്ന ഡാന്‍സ് റിയാലിറ്റി ഷോയിലൂടെയാണ് കുക്കു മലയാളിക്ക് പ്രിയങ്കരനാകുന്നത്. അന്നത്തെ നാണക്കാരനും, സംസാരിക്കാൻ മടിയുള്ളവനുമായ കുക്കുവിൽ നിന്ന് വളരെ മാറ്റമാണ് ഇന്നത്തെ കുക്കുവിനുള്ളത്. താരം തന്റെ വിശേഷങ്ങളെല്ലാം സേഷ്യൽ മീഡിയ വഴി പങ്കുവെക്കാറുണ്ട്. ഇൻസ്റ്റഗ്രാമിലും യൂട്യൂബിലും സജീവമാണ് കുക്കുവിനൊപ്പം ഭാര്യ ദീപയും. ‘ദ ഡികെ ടെയിൽസ്’ എന്ന യൂട്യൂബ് ചാനലിലൂടെയാണ് ദീപയും കുക്കുവും പ്രേക്ഷകരിലേക്ക് എത്തുന്നത്. ദാമ്പത്യ ജീവിതത്തിലെ കുഞ്ഞ് കുഞ്ഞ് കുസൃതികളും തമാശകളും കരിയറിലെ സന്തോഷങ്ങളും എല്ലാം യൂട്യൂബിലൂടെ രണ്ട് പേരും പങ്കുവയ്ക്കാറുണ്ട്.
ഇപ്പോൾ കുക്കുവിന്റെ പിറന്നാൾ ദിന വിശേഷങ്ങളുമായാണ് ഇരുവരും എത്തിയിരിക്കുന്നത്. പിറന്നാൾ ആഘോഷത്തിന് എടുത്ത ഏതാനം ചിത്രങ്ങൾക്കൊപ്പം, ‘ബേബീ ആ സത്യം നീ അംഗീകരിക്കണം. നീ ഇപ്പോൾ മുപ്പതുകളിലേക്ക് കടന്നു.. ഹാപ്പി ബേർത്ത് ഡേ ചക്കുടൂ’ എന്ന് പറഞ്ഞുകൊണ്ടാണ് ദീപയുടെ പോസ്റ്റ്. പിറന്നാൾ ആശംസകൾ അറിയിച്ചുകൊണ്ടുള്ള കമന്റുകളാണ് പോസ്റ്റിന് താഴെ വരുന്നത്
ഇപ്പോള്‍ ഡാൻസിൽ സജീവമായ താരം ഡാന്‍സ് കേരള ഡാന്‍സ് എന്ന ഷോയുടെ ഗ്രൂമിങ് സെക്ഷനിലും പ്രവൃത്തിയ്ക്കുന്നു. ഷോയ്ക്ക് പുറമെ കട്ടപ്പനയിലെ ഋത്വിക് റോഷൻ, കളി, ഒരു അഡാർ ലവ് എന്നിവയുൾപ്പെടെ അഞ്ചിലധികം ചിത്രങ്ങളിൽ അഭിനയിച്ചു. കുക്കു കെ ഡാൻസ് എന്ന പേരിൽ ഒരു ഡാൻസ് സ്റ്റാർട്ടപ്പ് തുടങ്ങിയിട്ടുണ്ട്.
കണ്ടെംപററി, ഹിപ് ഹോപ്, ബോളിവുഡ്, ജിംനാസ്റ്റിക്സ്, കഥക്, ഭരതനാട്യം, തുടങ്ങി നൃത്തവുമായി ബന്ധപ്പെട്ട പതിനൊന്നോളം ഇനങ്ങളിൽ പരിശീലനം നൽകുകയാണ് സംരഭത്തിന്റെ ലക്ഷ്യം.
