കൊച്ചി: സഹോദരി ഭർത്താവിനെ കൊലപ്പെടുത്താൻ ശ്രമിച്ച കേസിൽ യുവാവ് പിടിയിൽ. ചേരാനല്ലൂർ ഇടയക്കുന്നം പടയാറ്റിൽ വീട്ടിൽ മാർട്ടിനെയാണ് (40) അറസ്റ്റ് ചെയ്തത്.
ചൂതപ്പറമ്പൽ വീട്ടിൽ സെബാസ്റ്റ്യനെയാണ് വടിവാൾകൊണ്ട് വെട്ടിയത്. ഇയാൾ സ്വകാര്യ ആശുപത്രിയിൽ ഐ.സി.യുവിലാണ്. മാതാവിനെ മദ്യലഹരിയിൽ മർദിക്കുന്നത് തടയാൻ ശ്രമിച്ചത്തിന്റെ വിരോധം തീർക്കാനാണ് സെബാസ്റ്റ്യനെ ആക്രമിച്ചത്. ശബ്ദം കേട്ട് ഓടിയെത്തിയ അയൽവാസി വിശ്വംഭരനും പരിക്കേറ്റിരുന്നു. ചേരാനല്ലൂർ പോലീസ് ഇൻസ്പെക്ടറുടെ നേതൃത്വത്തിലാണ് പ്രതിയെ പിടികൂടിയത്.
