കൊച്ചി : നടിയെ ആക്രമിച്ച കേസില്‍ ദിലീപിനെ നാളെയും ചോദ്യംചെയ്യും. ഇന്നത്തെ ചോദ്യംചെയ്യല്‍ ഏഴു മണിക്കൂര്‍ നീണ്ടു. ദൃശ്യങ്ങള്‍ കണ്ടെന്ന സംവിധായകൻ ബാലചന്ദ്ര കുമാറിന്റെ മൊഴിയെക്കുറിച്ച് അറിയില്ലെന്ന് ദിലീപ് പറഞ്ഞു. ക്രൈംബ്രാഞ്ച് എഡിജിപി എസ്.ശ്രീജിത്തിന്‍റെ നേതൃത്വത്തിൽ ആലുവ പൊലീസ് ക്ലബിലായിരുന്നു ചോദ്യംചെയ്യൽ.
നടിയെ ആക്രമിച്ച് പകർത്തിയ ദൃശ്യം ദിലീപിന്‍റെ കൈവശമുണ്ടോ എന്നതടക്കം കണ്ടെത്തുകയായിരുന്നു പ്രധാന ലക്ഷ്യം. വിചാരണാഘട്ടത്തിൽ പ്രധാന സാക്ഷികളടക്കം 20 പേർ കൂറു മാറിയതിൽ ദിലീപിനുള്ള പങ്ക് കണ്ടെത്താനും അന്വേഷണസംഘം ശ്രമിക്കുന്നുണ്ട്.
