ഹരിപ്പാട് ∙ ആലപ്പുഴ എസ്എഫ്ഐയിൽ അച്ചടക്ക നടപടി. ആലപ്പുഴ ജില്ലാ സെക്രട്ടേറിയറ്റ് അംഗം അനില രാജുവടക്കം ഏഴുപേരെ പുറത്താക്കും. ഹരിപ്പാട് ഏരിയ സമ്മേളനത്തിലെ സംഘര്ഷത്തെ തുടര്ന്നാണ് നടപടി. എസ്എഫ്ഐ ഫ്രാക്ഷന് യോഗത്തിലാണ് നടപടി തീരുമാനിച്ചത്.
കഴിഞ്ഞയാഴ്ചയാണ് എസ്എഫ്ഐ സംസ്ഥാന സെക്രട്ടറിയുടെ നേതൃത്വത്തിൽ ഹരിപ്പാട് ഏരിയ സമ്മേളനം നടന്നത്. അനിലയെ സെക്രട്ടറിയാക്കി കൊണ്ടുള്ള പാനൽ സമ്മേളനത്തിൽ അവതരിപ്പിച്ചെങ്കിലും ഒരു വിഭാഗം ഇത് അംഗീകരികരിക്കാൻ തയാറായില്ല.
തുടർന്ന് 30 പേർ സമ്മേളനത്തിൽനിന്ന് ഇറങ്ങിപ്പോവുകയും മുദ്രാവാക്യം വിളിച്ച് പ്രതിഷേധിക്കുകയും സംഘർഷമുണ്ടാക്കുകയും ചെയ്തു. തുടർന്നാണ് എസ്എഫ്ഐ ഫ്രാക്ഷന് യോഗത്തിൽ നടപടിക്ക് ശുപാർശ ചെയ്തത്. അനില രാജു കേരള സർവകലാശാല യൂണിയൻ മുൻ ചെയർപഴ്സൻ ആണ്.
