പത്തനംതിട്ട : പത്തനംതിട്ട ജില്ലയിലെ യു.ഡി.എഫില്‍ പൊട്ടിത്തെറി. യു.ഡി.എഫ് ജില്ലാ ചെയര്‍മാനും കേരളാ കോണ്‍ഗ്രസ് (ജെ) ഉന്നതാധികാരസമിതി അംഗവും പത്തനംതിട്ട ജില്ലാ പ്രസിഡണ്ടുമായ വിക്ടര്‍ ടി.തോമസ്‌ രാജി വെക്കുന്നു. ഇത് സംബന്ധിച്ച് ഇന്ന് ഉച്ചയോടെ പ്രഖ്യാപനം ഉണ്ടാകുമെന്ന് അറിയുന്നു. യു.ഡി.എഫിലും കോണ്‍ഗ്രസിലുമുള്ള അസ്വാരസ്യങ്ങള്‍ മൂലമാണ് രാജി എന്നാണ് അറിയുന്നത്. ഇദ്ദേഹം എവിടേക്ക് പോകുമെന്ന് ഇതുവരെ വ്യക്തമാക്കിയിട്ടില്ലെങ്കിലും ഇടതുപക്ഷത്തേക്ക് നീങ്ങാനാണ് സാധ്യത. പത്തനംതിട്ടയിലെ കോണ്‍ഗ്രസില്‍ ചേരിപ്പോരും ഗ്രൂപ്പിസവും രൂക്ഷമാകുകയാണ്. മുന്‍ ഡി.സി.സി പ്രസിഡന്റ് ബാബു ജോര്‍ജ്ജിനെ പുകച്ചു പുറത്ത് ചാടിക്കുവാന്‍ ഒരുപക്ഷം ശ്രമിക്കുമ്പോള്‍ കോണ്‍ഗ്രസിലെ പോര് മറനീക്കി പുറത്ത് വരികയാണ്.
