ഹൃദയാഘാതം, പക്ഷാഘാതം എന്നിങ്ങനെ ജീവൻ അപകടത്തിലാക്കുന്ന പല ആരോഗ്യപ്രശ്നങ്ങളിലേക്കും കൊളസ്ട്രോൾ കാരണമാകുന്നു. ചെറിയ തോതിലൊക്കെ ശരീരത്തിന് കൊളസ്ട്രോൾ ആവശ്യമാണെങ്കിലും ഇവയുടെ തോത് പരിധി വിട്ടുയരുന്നത് നല്ലതല്ല. മെഴുക് പദാർത്ഥം പോലുള്ള കൊളസ്ട്രോൾ രക്തക്കുഴലുകൾക്കുള്ളിൽ പ്ലാക്കുകൾ എന്നറിയപ്പെടുന്ന നിക്ഷേപങ്ങളുടെ ശേഖരണത്തിന് കാരണമാകുന്നു.
ഹൃദയത്തിലേക്ക് ഓക്സിജൻ വിതരണം ചെയ്യുന്ന കൊറോണറി ധമനികളിലും തലച്ചോറിലേക്ക് ഓക്സിജൻ നൽകുന്ന കരോട്ടിഡ് ധമനികളിലും പ്ലേക്കുകൾ അടിഞ്ഞു കൂടുന്നു. മസ്തിഷ്കത്തിൽ രക്തം എത്തുന്നത് തടയുമ്പോൾ സ്ട്രോക്ക് സംഭവിക്കുന്നു. കൊളസ്‌ട്രോളും സ്‌ട്രോക്കും തമ്മിലുള്ള ബന്ധം സങ്കീർണ്ണമാണ്. കാരണം സ്ട്രോക്കിന്റെ തരത്തെയും കൊളസ്ട്രോളിന്റെ തരത്തെയും അടിസ്ഥാനമാക്കി അവയുടെ ബന്ധം വ്യത്യാസപ്പെടുന്നു.
പ്രധാനമായും രണ്ട് തരത്തിലുള്ള സ്ട്രോക്കുകളാണുള്ളത്. ഏറ്റവും സാധാരണമായ സ്ട്രോക്ക് എന്ന് പറയുന്നത്, ഇസ്കെമിക് സ്ട്രോക്കാണ്. മറ്റൊരു പ്രധാന തരം സ്ട്രോക്ക്, ഹെമറാജിക് സ്ട്രോക്കാണ്. രക്തക്കുഴലിന്റെ വിള്ളൽ മൂലമാണ് സംഭവിക്കുന്നത്.
രക്തത്തിൽ വളരെയധികം കൊളസ്ട്രോൾ ഉള്ളത് ധമനികളിൽ കൊഴുപ്പ് അടിഞ്ഞുകൂടാൻ ഇടയാക്കും. ഇത് ധമനികളെ ഇടുങ്ങിയതാക്കുന്നു. ഇത് രക്തം കട്ടപിടിക്കാനുള്ള സാധ്യതയും വർദ്ധിപ്പിക്കുന്നു. ഉയർന്ന കൊളസ്ട്രോൾ സ്ട്രോക്കിനുള്ള അപകട ഘടകമായ രക്തക്കുഴലുകളുടെ രോഗസാധ്യത വർദ്ധിപ്പിക്കുന്നതിലൂടെ സ്ട്രോക്കിനുള്ള സാധ്യത വർദ്ധിപ്പിക്കും.
ഉയർന്ന കൊളസ്ട്രോൾ മൂലം ധമനികളിൽ ഫലകമോ ഫാറ്റി ഡിപ്പോസിറ്റോ അടിഞ്ഞുകൂടുമ്പോൾ, തലച്ചോറിലേക്കുള്ള രക്തപ്രവാഹം തടസ്സപ്പെടുകയും മസ്തിഷ്ക കോശങ്ങളിലേക്കുള്ള ഓക്സിജന്റെ അളവ് കുറയ്ക്കുകയും ചെയ്യും.
ഉയർന്ന കൊളസ്ട്രോൾ കുറയ്ക്കാൻ ജീവിതശെെലിയിൽ ശ്രദ്ധിക്കേണ്ടത്…
ആരോഗ്യകരമായ ഭക്ഷണക്രമം…
ഉയർന്ന കൊളസ്ട്രോൾ കുറയ്ക്കുന്നതിനും സ്ട്രോക്ക് സാധ്യത കുറയ്ക്കുന്നതിനുമുള്ള ഏറ്റവും നല്ല മാർഗ്ഗമാണ് ആരോഗ്യകരമായ ഭക്ഷണക്രമം. ആരോഗ്യകരമായ കൊഴുപ്പുകൾ തിരഞ്ഞെടുത്ത് മൊത്തം കൊഴുപ്പും പൂരിത കൊഴുപ്പും കഴിക്കുന്നത് പരിമിതപ്പെടുത്തുക. കൊളസ്ട്രോൾ കൂടുതലുള്ള ഭക്ഷണങ്ങൾ ഒഴിവാക്കുക.
നാരുകൾ കൂടുതലുള്ള ഭക്ഷണങ്ങൾ കഴിക്കുകയും പഴങ്ങൾ, പച്ചക്കറികൾ, ധാന്യങ്ങൾ, ബീൻസ്, പയർവർഗ്ഗങ്ങൾ എന്നിവ പോലുള്ള മറ്റ് സസ്യാധിഷ്ഠിത ഭക്ഷണങ്ങൾ കഴിക്കുന്നത് വർദ്ധിപ്പിക്കുകയും ചെയ്യുക. ഒമേഗ-3 ഫാറ്റി ആസിഡുകൾ കൂടുതലുള്ള മത്സ്യം കഴിക്കുന്നത് നിങ്ങളുടെ HDL അളവ് വർദ്ധിപ്പിക്കാൻ സഹായിക്കും. സോഡിയം കൂടുതലുള്ള ഭക്ഷണങ്ങൾ ഒഴിവാക്കുകയും മദ്യത്തിന്റെ ഉപയോഗം പരിമിതപ്പെടുത്തുകയും ചെയ്യുക.
പതിവായി വ്യായാമം ചെയ്യുക…
കൊളസ്ട്രോളിന്റെ അളവ് മെച്ചപ്പെടുത്താൻ വ്യായാമം സഹായിക്കും. ആഴ്ചയിൽ അഞ്ച് തവണയെങ്കിലും ഏകദേശം 30 മിനിറ്റ് വ്യായാമം ചെയ്യണം.വ്യായാമം ഭാരം കുറയ്ക്കുക മാത്രമല്ല ഹൃദ്രോഗ സാധ്യതയും കുറയ്ക്കുന്നു.
പുകവലി ഒഴിവാക്കൂ…
പുകവലിക്കാർക്ക് ഉയർന്ന എൽഡിഎൽ കൊളസ്ട്രോളിന്റെയും ട്രൈഗ്ലിസറൈഡിന്റെയും അളവ് കൂടുതലാണെന്നും എച്ച്ഡിഎൽ അളവ് കുറവാണെന്നും പഠനങ്ങൾ കണ്ടെത്തി. പുകവലി ഉപേക്ഷിക്കുന്നത് രക്തത്തിലെ കൊളസ്ട്രോളിന്റെ അളവ് മെച്ചപ്പെടുത്താൻ സഹായിക്കുമെന്ന് പഠനങ്ങൾ പറയുന്നു.
ആരോഗ്യകരമായ ഭാരം നിലനിർത്തുക…
ആരോഗ്യകരമായ ഭാരം നിലനിർത്തുന്നത് കൊളസ്ട്രോൾ അളവ് നിയന്ത്രിക്കാൻ സഹായിക്കും. അമിതവണ്ണമോ പൊണ്ണത്തടിയോ ഉള്ള ആണെങ്കിൽ ക്യത്യമായ ഡയറ്റും വ്യായാവും ശീലമാക്കുക.
