ഇടുക്കി: ഇടുക്കിയിൽ പതിനേഴുകാരിയായ മകളെ അച്ഛനും സുഹൃത്തും പീഡിപ്പിക്കാൻ ശ്രമിച്ച സംഭവത്തിൽ പുറത്തുവരുന്നത് ഞെട്ടിപ്പിക്കുന്ന വിവരങ്ങൾ. മദ്യപിച്ചെത്തിയ അച്ഛനും ഇയാളുടെ സുഹൃത്തും പെണ്കുട്ടിയെ ശാരീരികമായും മാനസികമായും പീഡിപ്പിച്ചിരുന്നതായി പൊലീസ് പറഞ്ഞു. പതിവായി മദ്യപിച്ചെത്തുന്ന പിതാവ് പ്രായപൂർത്തിയാകാത്ത മകളുടെ സ്വകാര്യ ഭാഗങ്ങളിൽ സ്പർശിച്ചിരുന്നെന്നാണ് പരാതി. പിതാവിന്റെ സുഹൃത്തും പെണ്കുട്ടിയെ ചൂഷണം ചെയ്തിരുന്നു. പീഡനം സഹിക്കാതെ പെണ്കുട്ടി വിദേശത്തുള്ള അമ്മയോട് വിവരം പറഞ്ഞതോടെയാണ് പീഡന വിവരം പുറത്തറിഞ്ഞത്. ഇടുക്കി പൊലീസ് സ്റ്റേഷൻ പരിധിയിലാണ് സംഭവം നടന്നത്.
അമ്മയുടെ നിർദ്ദേശപ്രകാരം പെൺകുട്ടി പൊലീസില് താൻ നേരിടുന്ന പീഡന വിവരം അറിയിക്കുകയായിരുന്നു. തുടർന്ന് പൊലീസ് പെണ്കുട്ടിയുടെ പിതാവിനെയും സുഹൃത്തിനെയും അറസ്റ്റ് ചെയ്തു. പെൺകുട്ടിയുടെ അമ്മയും പിതാവിൻറെ സുഹൃത്തിൻറെ ഭാര്യയും വിദേശത്താണ് ജോലി ചെയ്യുന്നത്. കഴിഞ്ഞ കുറച്ചു നാളായി പിതാവ് മദ്യപിച്ചെത്തി പെൺകുട്ടിയെ ശല്യം ചെയ്യുകയായിരുന്നു. പെണ്കുട്ടിയുടെ സ്വകാര്യഭാഗങ്ങളിൽ പിടിക്കുകയും ലൈംഗികമായി ചൂഷണം ചെയ്യാനും ഇയാള് ശ്രമിച്ചുവെന്ന് പെണ്കുട്ടിയുടെ പരാതിയിൽ പറയുന്നു.
പെൺകുട്ടിയുടെ അച്ഛനൊപ്പം മദ്യപിക്കാനായാണ് സുഹൃത്ത് ഇവരുടെ വീട്ടിലെത്തിയിരുന്നത്. ഇതിനിടയിലാണ് ഇയാളും പെൺകുട്ടിയെ പീഡിപ്പിക്കാൻ ശ്രമിച്ചത്. പീഡനം സഹിക്കാതെ വന്നതോടെയാണ് പെൺകുട്ടി വിദേശത്തുള്ള അമ്മയെ വിവരം അറിയിച്ചത്. അമ്മയുടെ നിർദ്ദേശ പ്രകാരം പെണ്കുട്ടി പൊലീസിൽ പരാതി നൽകി. പെൺകുട്ടിയുടെ മൊഴി രേഖപ്പെടുത്തിയ ശേഷം കേസെടുത്ത പൊലീസ് രണ്ടു പേരെയും അറസ്റ്റു ചെയ്തു. പെൺകുട്ടിയെ വൈദ്യ പരിശോധനക്ക് വിധേയയാക്കിയ ശേഷം ഷെൽട്ടർ ഹോമിലേക്ക് മാറ്റി. കോടതിയിൽ ഹാജരാക്കിയെ പ്രതികളെ റിമാന്റ് ചെയ്തു.
