കോഴിക്കോട്: ബി.എസ്-4 വിഭാഗം ഇരുചക്ര, മുച്ചക്ര വാഹനങ്ങളുടെ പുക പരിശോധന കാലാവധി ഒരുവർഷമായി നീട്ടി ഗതാഗത വകുപ്പ് ഉത്തരവിട്ടു. ഇരുചക്ര വാഹനങ്ങൾക്കും ഓട്ടോ തൊഴിലാളികൾക്കും ഏറെ ആശ്വാസം പകരുന്നതാണ് ഉത്തരവ്.
ബി.എസ്-4 വിഭാഗം വാഹനങ്ങളുടെ പുക പരിശോധന കാലാവധി ആറുമാസമാക്കി 2022ൽ സർക്കാർ ഉത്തരവ് ഇറങ്ങിയിരുന്നു. എന്നാൽ, സെപ്റ്റംബർ 21ന് ഈ ഉത്തരവ് ഹൈകോടതി റദ്ദാക്കി പുക പരിശോധന കാലാവധി ഒരുവർഷമാക്കി നീട്ടി.
ഇതിന്‍റെ അടിസ്ഥാനത്തിലാണ് ബി.എസ് നാല് വിഭാഗം ഇരുചക്ര, മുച്ചക്ര വാഹനങ്ങളുടെ പുക പരിശോധന കാലാവധി ഒരുവർഷമാക്കി ഗതാഗത വകുപ്പ് പുതിയ ഉത്തരവ് ഇറക്കിയത്.
